Nurməhəmmədov üçün Əbu-Dabidəki insidentin ağır nəticələri ola bilər
Hüquqşünas Aleksey Qudas PFL-in məğlubedilməz çempionu Usman Nurməhəmmədovu UFC döyüşçüsü Merab Dvalişviliyə hücum etdiyinə görə hansı cəzanın gözləyə biləcəyini açıqlayıb.
TodayPress TV xəbər verir ki, hadisə Birləşmiş Ərəb Əmirliklərinin (BƏƏ) Əbu-Dabi şəhərində, otellərdən birində baş verib.
Hüquqşünasın sözlərinə görə, insidentin iştirakçıları iki istiqamətdə ciddi sanksiyalarla üzləşə bilərlər: BƏƏ qanunvericiliyinə əsasən hüquqi cəza və UFC tərəfindən idman sanksiyaları.
Qudas bildirib ki, BƏƏ qanunvericiliyinə əsasən, ictimai yerdə dava-dalaş ictimai asayişin pozulması hesab olunur. Ölkənin Cinayətlər və Cəzalar haqqında Federal Qanununun 390-cı maddəsinə görə, davanı başladan şəxsi aşağıdakı cəzalar gözləyə bilər:
Bir ilədək azadlıqdan məhrumetmə;
Təxminən 2 700 ABŞ dolları (226 min rubldan çox) məbləğində cərimə;
Ölkədən deportasiya və sonradan giriş qadağası.
Hüquqşünas qeyd edib ki, zərərçəkən tərəf şikayət ərizəsi yazmaqdan imtina etsə belə, müşahidə kameralarının görüntüləri əsasında araşdırma aparılacaq.
Namiq HUN
