Baltik dənizində İLK: Ukrayna Rusiyanın "Kalibr" daşıyan gəmisini necə vurdu?
Ukrayna ordusu Baltik dənizində “Kalibr” qanadlı raketləri ilə təchiz edilmiş Rusiyaya məxsus “Naro-Fominsk” hərbi gəmisinə zərbə endirib.
TodayPress TV xəbər verir ki, bu barədə Ukrayna Təhlükəsizlik Xidməti (SBU) məlumat yayıb.
Qurumun məlumatına əsasən, əməliyyat Rusiyanın Leninqrad vilayətində həyata keçirilən genişmiqyaslı pilotsuz uçuş aparatları hücumunun bir hissəsi olub. Eyni əməliyyat çərçivəsində Ukrayna qüvvələri Baltik dənizinin sahilində yerləşən Ust-Luqa limanının neft infrastrukturuna da zərbələr endirib.
