Norrisdən səmimi etiraf: mərasimə gedə bilmədim

“McLaren” komandasının pilotu Lando Norris nüfuzlu “Laureus World Sports Awards” mükafatının təqdimat mərasimində iştirak etməməsinin səbəbini açıqlayıb.

TodayPress TV xəbər verir ki, bu barədə komandanın mətbuat xidməti X sosial şəbəkəsində məlumat yayıb. 

“İlin sıçrayışı” nominasiyasında qalib seçilən britaniyalı pilot bildirib ki, mərasimdə iştirak edə bilməməsi onun yarışa hazırlıq prosesi ilə bağlı olub:

“Bu axşam mənim üçün çox xüsusi idi. “Laureus” kimi nüfuzlu bir mükafata layiq görülmək böyük şərəfdir. Təəssüf ki, mərasimdə şəxsən iştirak edə bilmədim, çünki hazırda “McLaren” bazasında növbəti yarışa hazırlaşıram.

Bu mükafata görə səs verən hər kəsə və “Laureus” komitəsinə təşəkkür edirəm. Bu, mənim üçün çox böyük anlam daşıyır. Həmçinin komandama, mexaniklərə və bu yolda mənimlə olan hər kəsə minnətdaram. Bu uğur hamımıza məxsusdur”.

Qeyd edək ki, “Laureus” mükafatları 2000-ci ildən etibarən təqdim olunur və dünya idmanının ən prestijli mükafatlarından biri hesab edilir.

Namiq HUN

TodayPress TV