Məğlubiyyətlərdən sonra qələbə: U-15 millimiz Maltada fərqləndi
Azərbaycanın U-15 futbol millisi Maltada təşkil olunan UEFA İnkişaf Turnirində sonuncu oyununu keçirib.
TodayPress TV xəbər verir ki, bu barədə AFFA-nın mətbuat xidməti məlumat yayıb.
Yığmamız Litva ilə qarşılaşıb. Görüşün əsas vaxtı 1:1 hesabı ilə başa çatıb. Penaltilər seriyasında rəqibindən üstün olan komandamız turnirin son matçında qələbə qazanıb.
Qeyd edək ki, Azərbaycanın U-15 millisi Maltada keçirilən turnirin ilk oyununda Latviyaya 0:3, ikinci qarşılaşmasında isə meydan sahiblərinə 0:1 hesabı ilə məğlub olub.
Namiq HUN
