İki “Qızıl top”, bir seçim: Ronaldo hansına üstünlük verdi?
Braziliya millisinin sabiq hücumçusu Ronaldo karyerası ərzində qazandığı iki “Qızıl top” mükafatından hansını daha dəyərli hesab etdiyini açıqlayıb.
TodayPress TV xəbər verir ki, 2026-cı ilin mükafatlandırma mərasimində iştirak edən əfsanəvi futbolçu ötən mövsümün ən yaxşı oyunçusu seçilən Harri Keynə “Qızıl top”u təqdim edib.
Ronaldo seçim edərkən 2002-ci ildə qazandığı mükafata üstünlük verdiyini bildirib:
“Qazandığım iki “Qızıl top”un hər ikisi mənim üçün əhəmiyyətli olub. Ancaq seçim etməli olsaydım, 2002-ci ildə qazandığım mükafatı seçərdim”.
Braziliyalı futbolçu ilk “Qızıl top”unu 21 yaşında, Milanın “İnter” klubunda çıxış etdiyi dövrdə qazanıb. O, ikinci dəfə bu nüfuzlu fərdi mükafata 2002-ci ildə layiq görülüb. Həmin vaxt Ronaldo “Real Madrid”in formasını geyinib və Braziliya millisi ilə dünya çempionu olub.
Namiq HUN
