Gimnastlarımız beynəlxalq yarışda medal qazandılar

Azərbaycan gimnastları Çinin Nankin şəhərində keçirilən batut gimnastikası və tamblinq üzrə Dünya Yaş Qrupları Yarışında uğurlu nəticələr əldə ediblər.

TodayPress TV xəbər verir ki, yarışda batut gimnastikası üzrə 13-14 yaş kateqoriyasında sinxron proqramda çıxış edən Muhamməd Həsənli və Ömər Qasımlı final mərhələsində 46.160 xal toplayaraq bürünc medal qazanıblar.

17-21 yaş kateqoriyasında mübarizə aparan Mehdi Əliyev və Nicat Mirzəyev isə təsnifat mərhələsində 48.960 xalla dördüncü yeri tutaraq finala vəsiqə əldə ediblər.

Tamblinq üzrə fərdi proqramda 11-13 yaş kateqoriyasında çıxış edən Əsnad Niftiyeva 42.700 xalla səkkizinci nəticə göstərərək final mərhələsinə yüksəlib.

Azərbaycan gimnastları yarışda mübarizələrini davam etdirirlər.