Ukrayna dronları Taqanroqu hədəf aldı, ölən və yaralananlar var
Ukrayna Silahlı Qüvvələri Rusiyanın Taqanroq şəhərinə hücum edib, azı bir nəfər ölüb, daha dörd nəfər yaralanıb.
TodayPress TV xəbər verir ki, bu barədə Rostov vilayətinin qubernatoru Yuri Slyusar məlumat yayıb.
“Düşmənin Taqanroqa hücumu nəticəsində elektrik yarımstansiyasının baş mühəndisi olan kişi həlak olub. Pilotsuz uçuş aparatının qalıqlarının magistral yolda və yanacaqdoldurma məntəqəsində avtomobillərin üzərinə düşməsi nəticəsində üç kişi və bir qadın olmaqla dörd nəfər yaralanıb. Zərərçəkənlər xəstəxanaya yerləşdiriliblər”, - deyə bildirilib.
Aysel Mətləb
