Rusiya ilk olaraq NATO-nun bu dövlətini vuracaq
Rusiya gələcək münaqişə zamanı Norveçdəki hansı hərbi obyektləri hədəfə ala biləcəyini açıq şəkildə açıqlayıb. Bu, NATO-nun şimal cinahını gücləndirdiyi və Rusiyaya yaxın ərazilərdə uzaqmənzilli imkanlarını genişləndirdiyi bir vaxtda Moskvanın alyansa qarşı ritorikasını daha da sərtləşdirir.
TodayPress TV xəbər verir ki, Reuters-in məlumatına görə, Rusiya Xarici İşlər Nazirliyi Norveçdə ABŞ raket sistemlərinin yerləşdirildiyi obyektlərin, eləcə də onlarla əlaqəli komanda və idarəetmə mərkəzlərinin hərbi qarşıdurma baş verəcəyi təqdirdə Rusiya üçün hədəfə çevrilə biləcəyini bildirib.
Moskva xüsusilə müxtəlif raket sistemlərinin istifadəsini dəstəkləyə bilən Mk-41 buraxılış qurğularının Norveçdə yerləşdirilməsinə diqqət yetirib. Norveç isə ölkənin şimalında artilleriya və digər hərbi vasitələrin sayını artıraraq öz qüvvələrini gücləndirib.
Rusiyanın bu təhdidi NATO-nun müdafiə xarakterli hərbi gücləndirməsini eskalasiya kimi təqdim etmək və eyni zamanda Avropa dövlətlərinə qarşı hərbi və hibrid təzyiqləri artırmaq istiqamətində daha geniş siyasətin tərkib hissəsi kimi qiymətləndirilir.
Norveçin strateji əhəmiyyəti Arktikaya yaxın mövqeyi və Rusiyanın mühüm hərbi infrastrukturlarına coğrafi yaxınlığı səbəbindən son illərdə əhəmiyyətli dərəcədə artıb.
NATO ərazisinə qarşı açıq təhdidlərin səsləndirilməsi gərginliyi azaltmaq əvəzinə, daha güclü çəkindirmə tədbirlərinin görülməsi, Avropanın hərbi hazırlığının artırılması və alyansın şimal cinahında daha etibarlı hərbi mövcudluğun təmin edilməsi ilə bağlı çağırışları gücləndirir.
Qiymət Mahir
