Quterreş Hörmüz boğazının ticarət gəmiləri üçün açılmasını alqışladı
BMT-nin Baş katibi Antonio Quterreş İranın atəşkəsin qalan hissəsində Hörmüz boğazını bütün kommersiya gəmiçiliyi üçün tam açmaq qərarını alqışlayıb.
TodayPress TV xəbər verir ki, bu barədə Baş katibin sözçüsü Stefan Dujarrik bildirib.
"BMT-nin Baş katibi Antonio Quterreş İranın Hörmüz boğazını bütün ticarət gəmiləri üçün tam açmaq barədə açıqlamasını alqışlayır. Baş katib bunu düzgün istiqamətdə atılmış addım hesab edir. Birləşmiş Millətlər Təşkilatının mövqeyi aydın olaraq qalır. Hörmüz boğazında beynəlxalq naviqasiya hüquq və azadlıqlarının tam bərpasına ehtiyacımız var və bu, hamı tərəfindən hörmətlə qarşılanmalıdır", - deyə o qeyd edib.
Aysel Mətləb
