Netanyahu İranı Hitler rejiminə bənzətdi
İsrailin Baş naziri Benyamin Netanyahu İranla mümkün razılaşma məsələsinə sərt münasibət bildirib.
TodayPress TV xəbər verir ki, Netanyahu İran rəhbərliyini neonasist adlandıraraq Tehranla razılığa gəlmək imkanını sual altına qoyub.
“Bu neonasistlərlə ümumiyyətlə hansı razılaşmanı bağlamaq olar?” – deyə o bildirib.
İsrailin Baş naziri mövqeyini əsaslandırmaq üçün İkinci Dünya müharibəsi dövrünə istinad edib.
“Məgər Ruzvelt və Çörçill Hitlerlə razılığa gələ biləcəklərini deyirdilər? Xeyr. Onlar gedib həmin rejimi məhv etdilər”, – deyə Netanyahu vurğulayıb.
Kübra Musayeva
