Ermənistan Azərbaycana tranzit məhdudiyyətlərini aradan qaldırır
Ermənistan Azərbaycana yüklərin tranzitinə qoyulan məhdudiyyətləri aradan qaldırır.
TodayPress TV xəbər verir ki, bunu Ermənistanın Baş naziri Nikol Paşinyan parlamentin maliyyə, kredit və büdcə məsələləri komitəsində 2026-cı il dövlət büdcəsi layihəsinin müzakirəsi zamanı deyib.
O qeyd edib ki, bu qərar Azərbaycan Prezidenti İlham Əliyevin Ermənistana qarşı analoji məhdudiyyətlərin aradan qaldırılması ilə bağlı bəyanatına cavab olaraq qəbul edilir.
"Bu, Ermənistana qarşı blokadanın aradan qaldırılmasında ilk mərhələdir, lakin bizim qarşılıqlı addımlar atmağımız vacibdir. Bu gündən etibarən yük maşınlarının Marqara-Yeqnadzor-Sisian-Qoris yolu ilə Türkiyədən Azərbaycana və geriyə tranzitini təmin etməyə hazırıq", - deyə Paşinyan bildirib.
Onun sözlərinə görə, İrəvan hələlik bu marşrutla məhdudlaşacaq, çünki oradakı yollar və keçid məntəqələri (o cümlədən Kornidzordakı keçid məntəqəsi) adekvat standartdadır.
Aysel Mətləb
