Çində küçələr robotlara tapşırıldı - Polis qüvvələrinin yeni əməkdaşları
Çində robot-polis küçələrdə patrul xidmətinə başlayıb.
TodayPress TV xəbər verir ki, Shençjen şəhərinin Bantyan rayonunda robotlaşdırılmış polis məntəqəsi fəaliyyətə başlayıb. Burada humanoid və təkərli robotlar, robot itlər, dronlar və pilotsuz avtomobillər polis əməkdaşları ilə birlikdə küçələrdə patrul aparır.
Robotlar şübhəli davranışları aşkar etmək, itkin şəxslərin axtarışına kömək etmək, həyəcan siqnallarını qəbul etmək və fövqəladə hallara müdaxilə etmək imkanlarına malikdir.
Patrul zamanı toplanan məlumatlar real vaxt rejimində komanda mərkəzinə ötürülür.
Kübra Musayeva
