BMT-də mühüm gün: Dünya liderləri Nyu-Yorkda toplaşır
BMT Baş Assambleyasının 81-ci sessiyası bu gün Nyu-Yorkda fəaliyyətə başlayır.
TodayPress TV xəbər verir ki, sessiyanın açılışında BMT-nin Baş katibi Antonio Quterreş və yeni sessiyanın prezidenti, Banqladeş nümayəndəsi Xəlilur Rəhman çıxış edəcəklər.
Sentyabrın 22-dən isə yüksək səviyyəli həftə başlayacaq. Ümumi müzakirələrdə 100-dən çox dövlət və 46 hökumət başçısının iştirakı gözlənilir.
Sessiya çərçivəsində dünya liderlərinin iştirakı ilə bir sıra mühüm görüşlər keçiriləcək.
Gündəliyin əsas məsələlərindən biri isə BMT-nin yeni Baş katibinin seçilməsi olacaq. Antonio Quterreşin səlahiyyət müddəti 2026-cı il dekabrın 31-də başa çatır.
Ümumi müzakirələr sentyabrın 22–26-da və 28-də keçiriləcək.
Türkan İsgəndərli
