BƏƏ İranın Küveyt dövlətinə qarşı hücumunu qətiyyətlə pisləyir

Birləşmiş Ərəb Əmirlikləri (BƏƏ) beynəlxalq hüququn kobud şəkildə pozulması olan İranın Küveyt Dövlətindəki hərbi düşərgəyə qarşı törətdiyi və silahlı qüvvələrin 10 üzvünün yaralanması ilə nəticələnən səbəbsiz terror hücumunu ən sərt şəkildə pisləyib.

Bu barədə TodayPress TV-yə Birləşmiş Ərəb Əmirliklərinin Azərbaycandakı səfirliyinin mətbuat xidmətindən məlumat verilib.

Bildirilib ki, BƏƏ Xarici İşlər Nazirliyi verdiyi bəyanatda bu təcavüzün Küveyt Dövlətinin suverenliyinin pozulması, təhlükəsizliyinə və sabitliyinə təhdid təşkil etdiyini və bundan əlavə, KƏŞ dövlətlərinin və daha geniş regionun təhlükəsizliyini təhdid edən təhlükəli bir eskalasiyanı təmsil etdiyini təsdiqləyib.

BƏƏ Küveyt Dövləti ilə tam həmrəyliyini ifadə edərək, onun təhlükəsizliyinin və sabitliyinin qorunmasına yönəlmiş bütün tədbirləri dəstəklədiyini vurğulayıb və bu dəhşətli hücumda yaralananların hamısının tezliklə sağalmasını arzulayıb.

Qiymət Mahir