ABŞ təyyarələrinin İranda həyata keçirdiyi uçuşların sayı 12 mini keçdi

Hərbi əməliyyatın başlanğıcından bəri Amerika təyyarələri İrandakı hədəflərə qarşı 12 mindən çox döyüş uçuşu həyata keçirib. 

TodayPress TV xəbər verir ki, bu barədə ABŞ-nin Yaxın Şərqdəki Mərkəzi Komandanlığı məlumat yayıb. 

Məlumata görə, Yaxın Şərqdəki Amerika taktiki hava qüvvələrinin hazırda 250-dən çox döyüş təyyarəsi var. Onların ən böyük konsentrasiyası İordaniyadakı Əl-Əzrəq (Müvəffəq Salti) bazasıdır. Burada “F-35A”, “F-15E” və “F-16” da daxil olmaqla çoxsaylı Amerika qırıcı təyyarələri eskadrilyaları, eləcə də “A-10” hücum təyyarələri eskadrilyası yerləşir. 

Amerika döyüş təyyarələri, həmçinin İsraildəki Ovda hava bazasında və Səudiyyə Ərəbistanındakı Şahzadə Sultan hava bazasında, eləcə də Ərəbistan dənizində döyüş tapşırıqları yerinə yetirən “USS Abraham Lincoln” təyyarə gəmisində yerləşir. 

Bundan əlavə, Britaniyada 15 “B-1B Lancers” və səkkiz “B-52H Stratofortresse” də daxil olmaqla 23 Amerika ağır bombardmançı təyyarəsi yerləşdirilib. 

Aysel Mətləb

TodayPress TV