Oktyabrın dördüncü maqnit qasırğası başladı
Yer kürəsində oktyabrın dördüncü və son maqnit qasırğası başlayıb.
TodayPress TV xəbər verir ki, bu barədə Kosmik Tədqiqatlar İnstitutu məlumat yayıb.
Məlumata görə, ay ərzində daha əvvəl 1-3, 12 və 18-19 oktyabr tarixlərində də maqnit qasırğaları müşahidə edilib.
İnstitut bildirir ki, son qasırğa G1 səviyyəsində qiymətləndirilir, lakin yaxın saatlarda G2 səviyyəsinə qədər güclənə bilər. Bu vəziyyət planetin tac dəliyi zonasında olması ilə əlaqələndirilir.
Alimlərin fikrincə, oktyabrda qeydə alınan maqnit qasırğaları Günəşin tac dəlikləri ilə bağlı olub.
Qeyd edək ki, bu, ardıcıl ikinci aydır ki, fırtınaların sayı artır. Belə ki, sentyabrda da beş belə hadisə qeydə alınıb.
Türkan İsgəndərli
