Qərargah rəisləri TƏCİLİ toplanır! - "Məkkə Sazişi" ilə ilk addım

İran Prezidenti Məsud Pezeşkian sentyabrın 24-də "Fox News"un “Special Report” proqramına müsahibəsində “Husilər öz hərəkətlərinə görə məsuliyyət daşıyırlar, onlar bizdən göstəriş almırlar” deyib.

Pezeşkianın bu sözü Tehran üçün Yəmən cəbhəsini ABŞ ilə  birbaşa qarşıdurmadan ayırmaq cəhdi kimi qiymətləndirilə bilər. Çünki İran hazırda həm ABŞ ilə diplomatik təmas imkanlarını qorumağa, həm də Hörmüz boğazının açılması məsələsində danışıqlar aparmağa çalışır.

Başqa tərəfdən, Husilərin Səudiyyəyə təzyiqi İran üçün də risk yaradır. Hücumlar genişləndikcə Riyadın hərbi tərəfdaşları artır, İranın regional müttəfiqlərinə qarşı daha geniş müdafiə xətti formalaşır. Üstəlik, Səudiyyənin enerji infrastrukturu və Qırmızı dəniz marşrutlarının təhlükəsizliyi məsələsi artıq təkcə Yaxın Şərq problemi deyil.

Hörmüz boğazında gəmiçiliyin azalması ilə Yəməndə Husilərin fəallaşması eyni vaxtda baş verdiyi üçün bölgədəki hər yeni hücum enerji bazarlarına və beynəlxalq ticarətə birbaşa təsir göstərə bilər. İranın Husilərdən məsafə saxlamağa çalışan açıqlamaları da məhz bu şəraitdə daha diqqətçəkən görünür.

Jalə Rövşən