Şəhərətrafı qatarlarda YENİLİK - Reyslərin sayı artırıldı
Sərnişin tələbatının qarşılanması məqsədilə şəhərətrafı qatar reyslərinin sayı növbəti dəfə artırılıb.
TodayPress TV xəbər verir ki, bu barədə ADY-dən məlumat verilib.
Yenilənmiş hərəkət cədvəlinə əsasən, 17 sentyabrdan həftəiçi gündəlik reyslərin sayı 96-dan 100-ə çatdırılacaq.
Belə ki, Sumqayıt–Pirşağı–Bakı xətti üzrə qrafikə saat 05:55 və 11:50-də yeni reyslər əlavə ediləcək. Həmçinin Bakı–Pirşağı–Sumqayıt istiqamətində saat 06:46 və 10:45-də əlavə reyslər təşkil olunacaq.
