Şotlandiyada marafonçu yarış zamanı həlak oldu
35 yaşlı keçmiş dəniz piyadası və təcrübəli ultramarafonçu Devid Perriş Şotlandiyada yerləşən Keyp-Rot adlı ekstremal 234 millik (370 kilometrdən çox) cığırda dünya rekordu qırmağa cəhd edərkən həlak olub.
TodayPress TV bu barədə "Daily Mail" nəşrinə istinadən xəbər verir.
İdmançı qaçışı dostunun xatirəsinə həsr etmək və eyni zamanda dağlarda xilasetmə əməliyyatları ilə məşğul olan xeyriyyə təşkilatı üçün vəsait toplamaq niyyətində idi. Devid Perrişin cəsədi Şotlandiyanın Kinteyl rayonunun ucqar ərazisində aşkar edilib.
Qaçış daha əvvəl onun dostu Lyuk Ayrlendin axtarışlarında iştirak etmiş "Scottish Mountain Rescue" təşkilatı üçün vəsait toplamağa həsr olunmuşdu. Məlumata görə, Kral Dəniz Piyadalarında xidmət etmiş Lyuk Ayrlend 2014-cü ildə Qlen-Klovada qaçış zamanı hipotermiyadan həlak olub.
