Özbək rəqibini keçən güləşçimiz mundialın zirvəsinə bir addım məsafədə!
ABŞ-də 23 yaşadək güləşçilər arasında keçirilən dünya çempionatında Azərbaycan yığması üçün əlamətdar nəticə qeydə alınıb.
TodayPress TV xəbər verir ki, yunan-Roma güləşçimiz Elmir Əliyev mötəbər yarışın həlledici mərhələsinə adlayıb.
60 kq çəki dərəcəsində mübarizə aparan idmançımız yarımfinal mərhələsində Özbəkistan təmsilçisi Mehroj Bəhramovla üz-üzə gəlib. Gərgin keçən qarşılaşmada rəqibini 4:2 hesabı ilə məğlub edən güləşçimiz finala yüksəlmək hüququ qazanıb.
Elmir Əliyev Las-Veqasda keçirilən mundialın qızıl medalı uğrunda görüşdə qazaxıstanlı Aybek Aytbekovla qüvvəsini sınayacaq.
