İtaliya futbolu böhrandadır? Kapellodan açıqlama

Tanınmış italiyalı futbol mütəxəssisi Fabio Kapello A Seriyasının hazırkı səviyyəsindən narazılığını ifadə edib.

TodayPress TV xəbər verir ki, bu barədə “La Gazzetta dello Sport” məlumat yayıb.

Kapello bildirib ki, İtaliya klublarının avrokuboklardakı uğursuzluğu təsadüfi deyil:

“Bu, tək hal deyil, reallıqdır. Artıq Premyer Liqa ilə müqayisələri dayandırmaq lazımdır. Bizi bosniyalılar, türklər və norveçlilər mübarizədən kənarlaşdırır”.

O, həmçinin liqadakı oyun keyfiyyətini də tənqid edib:

“A Seriyasında hakimlər çox tez-tez fit çalır, istedad azdır, qaçış azdır və müdafiə zəifdir”.

Onun sözlərinə görə, əvvəllər başqa ölkələrdə əsas heyətdə sabit oynamayan bəzi futbolçular İtaliyada fərq yaradır:

“Skott Maktominey, Rasmus Hoylund və Doniell Malen kimi oyunçular burada dominant görünür. Bu isə onların daha rahat mühitdə çıxış etdiyini göstərir”.

Qeyd edək ki, Maktominey 2024-cü ilin avqustunda “Napoli” klubuna transfer olunub. 

Namiq HUN

TodayPress TV