İspan məşqçilərin ili: IFFHS-dən iki böyük mükafat

Beynəlxalq Futbol Tarixi və Statistikaları Federasiyası (IFFHS) 2025-ci ilin ən yaxşı məşqçilərinin reytinqini dərc edib.

TodayPress TV xəbər verir ki, klub məşqçiləri kateqoriyasında birinci yeri PSJ-nin baş məşqçisi Luis Enrike tutub. 

İspan mütəxəssis 222 xal toplayaraq lider olub. İlk üçlüyü “Çelsi”nin çalışdırıcısı Entso Mareska (60 xal) və “Barselona”nın baş məşqçisi Hans-Diter Flik (57 xal) təşkil edib. Liderlər qrupuna “Bavariya”dan Vensan Kompani (42 xal) və “Arsenal”dan Mikel Arteta da (24 xal) daxil olub.

Milli komandalar arasında isə ardıcıl ikinci dəfə İspaniya yığmasının baş məşqçisi Luis de la Fuente ilin ən yaxşısı seçilib. O, 136 xal toplayıb. İlk beşlikdə həmçinin Roberto Martines (Portuqaliya, 83), Lionel Skaloni (Argentina, 59), Stole Solbakken (Norveç, 48) və Tomas Tuxel (İngiltərə, 41) yer alıb.

Namiq HUN

TodayPress TV