Dünya çempionatına gedə bilmir! Məşhur idmançının pasportu yoxa çıxdı
“Dallas” klubunun və Çin milli komandasının basketbolçusu Li Yueju poçt xidmətinin pasportunu itirməsi səbəbindən Almaniyada keçiriləcək dünya çempionatını buraxmaq məcburiyyətində qalıb.
TodayPress TV xəbər verir ki, o, bu barədə sosial şəbəkədə məlumat yayıb.
Təcrübəli idmançı yaşadığı məyusluğu belə ifadə edib:
“Mənimlə maraqlanan hər kəsə təşəkkür edirəm. Son illərdə Çin Basketbol Assosiasiyası və milli komanda ilə çox yaxşı münasibətlərim formalaşıb. Xaricdəki karyeram boyunca onlar mənə hər zaman böyük dəstək olublar. Yenidən milli komandaya qoşulmağı səbirsizliklə gözləyirdim. Təəssüf ki, pasportum poçtla göndərilərkən itdi və indiyədək tapılmadı. Hər yolu sınasaq da, bu dəfə bəxtimiz gətirmədi. Bəzən xəyal qırıqlıqları həyatın bir hissəsinə çevrilir. Bu dəfə komandaya kömək edə bilməyəcəyim üçün çox kədərlənirəm, lakin Çin basketbolunu dəstəkləməyə davam edəcəyəm. Növbəti dəfə dünya arenasında görüşənədək!”
Namiq HUN
