Böyük qərar yaxınlaşır: klubun yeni rəhbəri kim olacaq?

ABŞ-nin “İnter Mayami” klubu baş məşqçi postu üçün iki əsas namizədi nəzərdən keçirir.

TodayPress TV “The Touchline” mənbəsinə istinadən xəbər verir ki, komanda Xavi Hernandes və Marselo Qalyardo ilə maraqlanır.

Bu qərar Xavyer Maskeranonun komandadan ayrılmasından sonra gündəmə gəlib. 

Argentinalı mütəxəssis 2025-ci ilin əvvəlində “İnter Mayami”yə rəhbərlik etməyə başlayıb və komandanı MLS Kubokuna aparıb. Onun klubla müqaviləsi 2027-ci ilə qədər nəzərdə tutulsa da, Maskerano, 14 aprel tarixində vəzifəsindən ayrılıb.

Qeyd edək ki, Xavi 2021–2024-cü illərdə “Barselona” klubunun baş məşqçisi olub. Marselo Qalyardo isə son olaraq “River Pleyt” komandasını çalışdırıb və fevral ayında postundan ayrılıb.

Hazırda hər iki mütəxəssis azad agent statusundadır və “İnter Mayami” üçün əsas variantlar kimi dəyərləndirilir.

Namiq HUN

TodayPress TV