Zaxarova Qərbi ksenofobiyada günahlandırır

Qərb ölkələrinin viza almaq və ya müddətini uzatmaqda məhdudiyyətləri olan xarici tələbələrə qarşı siyasəti bəzən ksenofobiya səviyyəsinə çatır.

TodayPress TV "Gazeta.ru"ya istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinqdə bildirib .

O qeyd edib ki, Qərbdə digər ölkələrdən olan tələbələr "bir tərəfdən cəlb olunur, digər tərəfdən isə akademik göstəriciləri və ya qanuna uyğunluğu ilə əlaqəsi olmayan səbəblərdən xaric edilirlər".

Zaxarova deyib: “İnsanlar tələyə düşürlər — bir tərəfdən pul xərcləyir, hədəflərini müəyyən bir təhsil müəssisəsinə yönəldirdilər, digər tərəfdən isə, sözün əsl mənasında, yolun yarısında hökumət onlara viza vermir və sair”.

Diplomat vurğulayıb ki, Qərb ölkələrinin bu cür hərəkətləri çox vaxt "faciə ilə" və qırılmış həyatlarla deyilsə də, "böyük bəlalarla" nəticələnir.

"Bloomberg" əvvəllər bildirmişdi ki, avqust ayında viza ilə ABŞ-yə gələn beynəlxalq tələbələrin sayı illik müqayisədə 19% azalaraq 313.000-dən bir qədər çox olub ki, bu da son dörd ilin ən aşağı səviyyəsidir.

Jalə Rövşən 

TodayPress TV