Ukrayna humanitar yardımlara görə Azərbaycana təşəkkür etdi

Yanvarın 9-da Ukraynanın xarici işlər nazirinin müavini Oleksandr Mişenko Azərbaycanın bu ölkədəki səfiri Seymur Mərdəliyevlə görüş keçirib.

TodayPress TV bu barədə Ukrayna Xarici İşlər Nazirliyinin rəsmi saytına istinadən xəbər verir.

Tərəflər Ukrayna və Azərbaycanın suverenliyi və ərazi bütövlüyünə qarşılıqlı dəstəyi bir daha təsdiqləyiblər, həmçinin ikitərəfli əməkdaşlığın bütün qarşılıqlı maraq doğuran sahələri üzrə prioritet istiqamətlər barədə fikir mübadiləsi aparıblar.

Görüş zamanı beynəlxalq təşkilatlar çərçivəsində əməkdaşlıq məsələləri də müzakirə olunub. Azərbaycanın Demokratiya və İqtisadi İnkişaf Naminə Təşkilata - GUAM-a sədrliyi kontekstində diplomatlar GUAM Xarici İşlər Nazirləri Şurasının növbəti iclasının çağırılması məsələsinə xüsusi diqqət yetiriblər.

Oleksandr Mişenko Azərbaycana göstərilən humanitar yardıma, xüsusilə Ukraynanın enerji sisteminə və mülki infrastrukturun bərpasına verilən dəstəyə görə təşəkkürünü bildirib.

Öz növbəsində, Seymur Mərdəliyev ölkəsinin Ukraynaya praktiki yardımın artırılmasına və Kiyevlə Bakı arasında əməkdaşlığın daha da möhkəmləndirilməsinə hazır olduğunu vurğulayıb.

TodayPress TV