Tramp Texasdan başqa ştatlara 400 əsgər göndərdi
ABŞ Prezidenti Donald Tramp Texasdan 400 Milli Qvardiya əsgərinin başqa ştatlara göndərilməsi barədə göstəriş verib.
TodayPress TV xəbər verir ki, bu barədə İllinoys ştatının qubernatoru Robert Pritzker məlumat verib.
ABŞ məhkəməsi isə Trampın Milli Qvardiyanı Portlendə yerləşdirməsinə müvəqqəti qadağa qoyub.
Ağ Ev rəhbəri sentyabrda Milli Qvardiyanın Çikaqoya göndəriləcəyini desə də, dəqiq vaxtını açıqlamamışdı. O, İllinoys qubernatorunu Çikaqoda təhlükəsizliyi təmin edə bilməməkdə tənqid edib.
Qubernator Pritzker isə Trampı özünü diktator kimi görməkdə və şəhəri müharibə ilə hədələməkdə ittiham edib.
Türkan İsgəndərli
