ABŞ-da bir kişi sərçəni uğur əlaməti hesab edərək lotereyada 66 milyon rubl ekvivalentində pul qazanıb.

TodayPress TV xəbər verir ki, "People" nəşrinin məlumatına görə, ABŞ-nin Ohio ştatında yaşayan bir kişi lotereyada 879 min dollar udub.

Şanslı qalib bildirib ki, bir gün avtomobilində nahar edərkən qəfil bir sərçə uçaraq gəlib və sərnişin oturacağının qarşısında yerə qonub. Kişi bunu uğur əlaməti kimi qəbul edib və növbəti həftə üç lotereya bileti alıb.

Birinci bilet ona heç bir qazanc gətirməyib. Lakin ikinci bileti yoxlayarkən 120 min dollar udduğunu görüb. O, dərhal həyat yoldaşına zəng edərək böyük uduş qazandıqlarını bildirib.

Evə qayıtdıqdan sonra həyat yoldaşı bileti yenidən yoxlayıb və məlum olub ki, əslində onlar 20 il ərzində hər ay 10 min dollar almaq hüququ qazanıblar. Bu məbləğin ümumi dəyəri 2,4 milyon dollar (təxminən 180 milyon rubl) təşkil edir. Bununla belə, qalib birdəfəlik ödəniş variantını seçib.

Cütlük hələlik mükafat pulunu necə xərcləyəcəklərinə qərar verməyib. Onlar bu məsələ ilə bağlı maliyyə məsləhətçisi ilə görüşməyi planlaşdırırlar.

Jalə Rövşən 

TodayPress TV