Londonda İran Neft Şirkətinə məxsus bina ələ keçirildi
İngiltərə və Uelsin Apellyasiya Məhkəməsi İran Milli Neft Şirkəti ilə Birləşmiş Ərəb Əmirliklərinin “Crescent Petroleum” şirkəti arasındakı iş üzrə aşağı instansiya məhkəməsinin qərarını qüvvədə saxlayıb.
TodayPress TV Britaniya KİV-ə istinadən xəbər verir ki, qərara əsasən, İran Milli Neft Şirkətinin Londonda yerləşən və dəyəri 100 milyon funt-sterlinq olan binası müsadirə edilib.
Mülk “Crescent” şirkətinə beynəlxalq arbitraj məhkəməsinin müəyyən etdiyi 2,4 milyard dollarlıq zərərin bir hissəsini kompensasiya etmək üçün istifadə olunacaq.
Xatırladaq ki, “Crescent müqaviləsi” 2002-ci ildə İran Milli Neft Şirkəti ilə BƏƏ-nin “Crescent Group”u arasında imzalanmış qaz tədarükü sazişidir.
Mübahisə İran tərəfinin müqavilə öhdəliklərini yerinə yetirməməsi səbəbindən yaranıb.
Jalə Rövşən
