Livan atəş altında: İsrail Sur bölgəsini vurdu, ölənlər var
İsrail Livanın Sur bölgəsində bir neçə hücum həyata keçirib.
TodayPress TV xəbər verir ki, bu barədə Livanın Milli İnformasiya Agentliyi məlumat yayıb.
Bildirilib ki, Əl-Abbasiyə qəsəbəsinə edilən hücum nəticəsində dörd nəfər, Deyr Qanun ən-Nəhərdəki digər hücumda isə iki nəfər həlak olub.
İsrail qüvvələri, həmçinin Vadi Cilu kəndi yaxınlığında bir motosikleti hədəf alıb, digər reydlər isə Əl-Məcadil və Məcdəl Zun qəsəbələrində həyata keçirilib.
