İsveçrə ABŞ-yə "Patriot" ödənişini dayandırdı
İsveçrə çatdırılma qrafiki ilə bağlı qeyri-müəyyənliyə görə ABŞ-yə "Patriot" raket sistemi üçün ödənişləri dayandırıb.
TodayPress TV xəbər verir ki, bu barədə “Reuters” agentliyi məlumat yayıb.
Bildirilib ki, hökumət müqavilənin sonda ləğv oluna biləcəyi ehtimalını istisna etməyib.
İsveçrə hökumətinin açıqlamasına görə, sistemin çatdırılma qrafiki sonrakı ödənişlərin vaxtı kimi qeyri-müəyyən olaraq qalır. İsveçrənin müdafiə naziri Martin Pfister hökumətin hələ də "Patriot" almağı gözlədiyini, lakin hər hansı bir ssenarini istisna etmədiyini bildirib.
"Hazırda ABŞ ilə bütün mümkün variantları, o cümlədən müqavilənin ləğvi variantlarını müzakirə edirik", - deyə o qeyd edib.
Eyni zamanda, Pfister belə bir ləğvin hansı şərtlər altında baş verə biləcəyinin hazırda bəlli olmadığını aydınlaşdırıb.
Aysel Mətləb
