İranda yaşlıların nikahları artır
İranda yaşlılar arasında qeydə alınan nikah statistikasında diqqətçəkən rəqəmlər ortaya çıxıb.
TodayPress TV “Azad İran” “Telegram” kanalına istinadən xəbər verir ki, bu barədə İranın Əmlak və Sənədlərin Qeydiyyatı Təşkilatının sözçüsü Əzəm Qəvidel bildirib.
Onun sözlərinə görə, bu ilin ilk altı ayında yaşı 80-dən yuxarı olan 17 qadının nikahı rəsmiləşdirilib.
Onlardan ən yaşlısı 93 yaşında olub.
Kişilər arasında isə eyni dövrdə 80 yaşdan yuxarı 738 nəfərin evliliyi qeydə alınıb.
Bu evliliklər arasında ən yaşlı bəyin 119 yaşında olduğu bildirilib.
Statistika yaş məhdudiyyətinə baxmayaraq, İranda nikaha marağın müxtəlif yaş qruplarında davam etdiyini göstərir.
Nicat Osman
