İndoneziyada məktəbin çökməsi nəticəsində 61 nəfər öldü
İndoneziyanın Şərqi Yava əyalətində yerləşən Əl-Xozini internat məktəbinin uçması nəticəsində 61 nəfərin cəsədi tapılıb.
TodayPress TV xəbər verir ki, bu barədə yerli media məlumat yayıb.
Məlumata görə, qurbanların çoxu yeniyetmə oğlanlardır. Hadisə ölkədə bu il baş verən ən ağır təbii fəlakət hesab olunur.
Xilasedicilər dağıntılar altında axtarışları başa çatdırıblar.
Rəsmilərin bildirdiyinə görə, ölkədə "pesantren" adlanan 42 mindən çox dini internat məktəbi var, lakin onlardan yalnız 50-nin tikinti üçün rəsmi icazəsi mövcuddur.
Türkan İsgəndərli
