Gürcüstanda Azərbaycan dili məsələsi qaldırıldı
Gürcüstanın Milli Tədris Planında Azərbaycan dili və ədəbiyyatının iki müstəqil fənn kimi təsbit edilməsi təklif edilir.
TodayPress TV xəbər verir ki, Aygül İsayevanın məsələ ilə bağlı açıqlamasına görə, onun Gürcüstanın Baş nazirinə təqdim etdiyi layihə müzakirə olunması üçün Təhsil Nazirliyinə yönləndirilib.
Layihədə “Azərbaycan dili” və “Ədəbiyyat” fənlərinin Milli Tədris Planında “etnik azlıqların dilləri” adlı vahid fənn çərçivəsində deyil, iki müstəqil fənn kimi müəyyənləşdirilməsi təklif olunur.
Aygül İsayevanın bildirdiyinə görə, dərsliklər kurikulumla uzlaşmalıdır. Bu səbəbdən layihəyə azərbaycandilli məktəblərdə hazırda istifadə olunan dərsliklərin əsaslandığı kurikulumun gürcü dilindəki versiyası da əlavə edilib.
Zəhra Məmmədova
TodayPress TV
Aygül İsayeva
Gürcüstan
Azərbaycan ədəbiyyatı
Milli Tədris Planı
etnik azlıqlar
Zəhra Məmmədova