Everestdə qalan turistlər xilas edildilər
Çin Xalq Respublikasının Tibet Muxtar Bölgəsindəki Everest dağında pis hava şəraiti səbəbindən qapalı qalan 350 turist təhlükəsiz şəkildə dağdan enib.
TodayPress TV xəbər verir ki, bu barədə "Guardian" məlumat yayıb.
Məlumata görə, xilasedicilər 200-dən çox digər insanla da əlaqə qurublar və onlara kömək üçün komanda göndərilib. Bu qrup da tezliklə təhlükəsiz şəkildə dağdan enəcək.
Qeyd edək ki, oktyabrın 4-də Everestdə güclü qar fırtınası başlayıb, görüş məsafəsi çox azalıb və marşrut qarla örtülüb. Qar yürüşçülərin çadırlarını basdırıb, xilasetmə işləri isə güclü külək səbəbindən çətinləşib. Bəzi turistlər özləri dağdan enə biliblər.
Türkan İsgəndərli
