Aİİ üç ölkə ilə azad ticarətə başlayır

2025-ci il Avrasiya İqtisadi İttifaqı (Aİİ) ilə BƏƏ, Monqolustan və İndoneziya arasında imzalanmış azad ticarət zonası sazişlərinin 2026-cı ildə qüvvəyə minməsi gözlənilir. 

TodayPress TV xəbər verir ki, bu barədə Rusiya Baş nazirinin müavini Aleksey Overçuk məlumat verib. 

Bildirilib ki, saziş hazırda təsdiqlənmə prosedurundan keçir. 

"Bu gün biz inanırıq ki, istehsalçılarımıza təxminən 730 milyon insan üçün bazara çıxış imkanı yaratmışıq. Bu, artıq çox əhəmiyyətli bir rəqəmdir. Və ümid edirik ki, bütün bu müqavilələr 2026-cı ildə qüvvəyə minəcək", - deyə Overçuk vurğulayıb. 

Qeyd olunub ki, 2025-ci ildə Hindistanla azad ticarət zonası barədə danışıqlara başlanılıb. 

"Konkret müddətlər barədə danışmaq üçün yəqin ki, hələ tezdir. Əsas məsələ odur ki, bu danışıqlar davam edir və danışıqlar qrupunun nikbin olduğu aydındır", - deyə Rusiya Baş nazirinin müavini vurğulayıb. 

O, həmçinin xatırladıb ki, İranla tam hüquqlu azad ticarət zonası müqaviləsi 2025-ci ildə qüvvəyə minib. 

Aysel Mətləb

TodayPress TV