ABŞ-nin hərbi təyyarəsi Tbilisiyə eniş etdi

ABŞ Hərbi Hava Qüvvələrinə məxsus "Boeing C-17" Globemaster III hərbi nəqliyyat təyyarəsi Tbilisi Beynəlxalq Hava Limanına eniş edib və qısa müddət sonra yenidən havaya qalxıb.

TodayPress TV  xəbər verir ki, bu barədə "Georgia Today" məlumat yayıb. 

"Flightradar24"ün məlumatına görə, təyyarə yerli vaxtla təxminən saat 15:30-da Tbilisiyə çatıb və saat 16:03-də cənuba doğru yola düşüb. Onun Almaniyanın Ramşteyn şəhərindəki ABŞ hərbi hava bazasından havaya qalxdığı deyilir.

"Flightradar24" təyyarənin son təyinat yerini qeyd etməsə də, izləmə məlumatları göstərir ki, o, artıq Ermənistan hava məkanını keçib və radarlardan yoxa çıxmazdan əvvəl Türkiyə ərazisinə daxil olub.

Təyyarənin Tbilisidə qısa dayanmasının səbəbi hələ də məlum deyil.

TodayPress TV