Daşınmaz əmlak sahəsində islahatlar genişləndirilib

Cəmiyyət

29.01.2026 11:21

“2025-ci il ərzində daşınmaz əmlak və torpaq münasibətləri sahəsində bir sıra mühüm qanunlar qəbul edilib”.

TodayPress TV xəbər verir ki, bunu Daşınmaz Əmlakın Dövlət Kadastrı və Reyestri PHŞ-nin sədri Nigar Alimova 2025-ci il ərzində görülmüş işlər və qarşıda duran hədəflərə dair mətbuat konfransında deyib.

Onun sözlərinə görə, “Torpaq münasibətlərinin tənzimlənməsi ilə bağlı bəzi məsələlər haqqında” 7 oktyabr 2021-ci il tarixli, 1455 nömrəli Fərmanda dəyişiklik edilməsi barədə 28 fevral 2025-ci il tarixli, 345 nömrəli Prezident Fərmanı qəbul olunub. Eyni zamanda, 14 iyul 2025-ci il tarixli 244-VIIQD nömrəli Qanunla Azərbaycan Respublikasının bəzi məcəllə və qanunlarında dəyişiklik edilib.

“16 iyul 2025-ci il tarixli 444 nömrəli Prezident Fərmanı, eləcə də “İpoteka haqqında” Azərbaycan Respublikasının Qanununda dəyişiklik edilməsi barədə 31 oktyabr 2025-ci il tarixli 282-VIIQD nömrəli Qanun daşınmaz əmlak bazarında hüquqi münasibətlərin daha çevik tənzimlənməsinə imkan yaradıb. Bununla yanaşı, “Dövlət rüsumu haqqında” və “Daşınmaz əmlakın dövlət reyestri haqqında” qanunlarda dəyişiklik edilməsi barədə 30 dekabr 2025-ci il tarixli Qanun qəbul olunaraq qeydiyyat və xidmət mexanizmlərinin sadələşdirilməsinə xidmət edib”, - deyə o əlavə edib.

Qiymət Mahir

TodayPress TV