Keniya lideri: Tikinti xərclərini 10 faizdən 2,5 faizə endirmişik
“Tikinti xərclərini 10 faizdən 2,5 faizə endirmişik”.
TodayPress TV xəbər verir ki, bunu Ümumdünya Şəhərsalma Forumunun 13-cü sessiyası (WUF13) çərçivəsində keçirilən Liderlərin Bəyanatları (Leaders' Statements) mərhələsində Keniyanın Prezidenti Uillyam Samoei Ruto deyib.
O qeyd edib ki, tikinti xərclərini azaltmaq üçün tikinti ölçüləri və materialları standartlaşdırılıb:
“Qapılar, pəncərələr və digər tikinti materiallarının ölçülərini standartlaşdırdıq. Bu, tikinti komponentlərinin kütləvi istehsalını mümkün etdi, nəticədə xərclər əhəmiyyətli dərəcədə azaldı”.
Keniyanın Prezidenti maliyyələşmə məsələlərinə diqqət çəkib:
“Biz xüsusi mənzil fondu yaratdıq və yerli resursların səfərbər edilməsi yolu ilə mənzil tikintisini maliyyələşdiririk”.
Prezident ölkədə həyata keçirilən layihələrin nəticələrini açıqlayıb:
“Son üç ildə 273 min mənzil tikilib. Artıq 8 min evin açarları sahiblərinə təhvil verilib, ilin sonuna qədər daha 55 min açar təhvil veriləcək. Hazırda 700 min mənzillik tikinti layihəsi icra mərhələsindədir”.
Qiymət Mahir
