DƏHŞƏTLİ GECƏ! Ərəblər İranı bombalayır, neft damarlarını kəsirlər

Birləşmiş Ərəb Əmirlikləri (BƏƏ) İranın hərbi və mülki hədəflərinə qarşı əməliyyata başlayıb. Hücumlar əsasən Hörmüzqan vilayətindəki hərbi dəniz bazalarını, Bəndər-Abbasdakı neft-kimya müəssisələrini və Qeşm adasını əhatə edir.

Əməliyyatda BƏƏ-yə məxsus "Mirage 2000-9EAD" qırıcıları və silahlı dronlar iştirak edir. Eyni zamanda ABŞ-nin "USS Abraham Lincoln" təyyarədaşıyan gəmisindən qalxan qırıcıların da bu hücumda iştirak etdiyi bildirilir.

Yerli vaxtla 04:15–04:16-da Qeşm adasında güclü partlayışlar baş verib, evlərin pəncərələri silkələnib, 04:18-də Bəndər-Abbasda müharibə bombalarını xatırladan iki çox güclü partlayış eşidilib, 04:19-da isə şəhərdə daha üç partlayış qeydə alınıb.

Məlumatlar göstərir ki, bölgədə bir neçə dəqiqə ərzində dəqiq planlaşdırılmış zərbə dalğası həyata keçirilib.

Tərəflər arasında birbaşa və açıq qarşıdurma artıq başlayıb. İranın bir gün əvvəlki addımına cavab olaraq BƏƏ-nin bu addımı atması, "biz də sizin ərazinizdəki hədəfləri vura bilərik" mesajıdır.

Zərbələrin məhz neft infrastrukturuna və dəniz bazalarına endirilməsi İranın həm iqtisadiyyatını, həm də hərbi gücünü zəiflətməyə yönəlib. ABŞ qırıcılarının iştirakı rəsmən təsdiqlənsə, bu, Vaşinqtonun artıq İranın hərəkətlərinə dözmək niyyətində olmadığını göstərən ən ciddi siqnal olacaq. Bu zərbələr İranda "nəzarət itirilir" qorxusunu gücləndirə bilər. Lakin BƏƏ-nin özü də böyük risk altındadır, çünki hücumlar daha böyük və genişmiqyaslı bir müharibənin başlanğıcı ola bilər.

Vəziyyət olduqca gərgin həddə çatıb. Bəs İran buna necə cavab verəcək? Əgər gərginlik artmağa davam edərsə, Hörmüz boğazının bağlanması qaçılmaz ola bilər. Bu isə bütün dünya iqtisadiyyatı və neft bazarı üçün böyük şok deməkdir. Növbəti bir neçə gün regionun taleyi üçün həlledici olacaq.

Qiymət Mahir