Dünya Bankı ölkələri islahatları sürətləndirməyə çağırdı

Dünya ölkələri qlobal qeyri-sabitliyin dərinləşməsinə və Yaxın Şərqdə artan münaqişəyə baxmayaraq, sosial-iqtisadi islahatlara diqqət yetirməlidirlər.

TodayPress TV xarici mediaya istinadən xəbər verir ki, bunu Dünya Bankının Əməliyyatlar üzrə İdarəedici Direktoru Anna Bjerde bildirib.

"İndi biz həmçinin Yaxın Şərqdə davam edən və yanacaq və gübrə qiymətlərində şoklara səbəb olan hadisələri də nəzərə almalıyıq. Bu, artımı yavaşlada, məşğulluğa təsir göstərə, inflyasiyanı artıra və ərzaq təhlükəsizliyini pisləşdirə bilər", - deyə o, 22-23 mart tarixlərində Pekində keçirilən Çin İnkişaf Forumunda vurğulayıb.

Bjerdenin qənaətincə, bu, qeyri-müəyyənliyi idarə etmək yalnız mübarizənin yarısıdır. Ölkələr sabitliyi fürsətə çevirmək üçün islahatlara investisiya qoymağa davam etməlidirlər.

Bjerde xatırladıb ki, bankın proqnozuna görə, 2026-cı ildə qlobal ÜDM artımı 2,5%, inkişaf etməkdə olan ölkələrdə isə təxminən 4% olacaq.

"Bu rəqəmlər inkişaf etməkdə olan ölkələri inkişaf etmiş iqtisadiyyatlar səviyyəsinə yaxınlaşdırmaq üçün sadəcə kifayət deyil. Onlar demoqrafik ehtiyacları ödəmək üçün lazım olan iş yerlərinin sayını yaratmaq üçün kifayət deyil", - deyə o əlavə edib.

Nicat Osman