U-17 mundialında həlledici gün: Güləşçilərimiz medal ovunda
Bu gün Azərbaycanın 4 yunan-Roma güləşçisi U-17 dünya çempionatında medal yarışına çıxacaq.
TodayPress TV xəbər verir ki, Əli Cavadlı (45 kq) finalda amerikalı Raylen Vaksla qurşaq tutacaq.
Həlledici görüşə adını yazdıran Abdurrahman Hüseynli (51 kq) isə Özbəkistan güləşçisi Bunyod Hasanov ilə qarşılaşacaq.
Yarımfinalda uduzan Elmir Çərkəzov (60 kq) uğurlu çıxış müqabilində çempionatın bürünc medalına sahib çıxacaq.
Zöhrab Səfərovun (92 kq) da mundialdan qazancı bürünc medal ola bilər. O isə şansını qaçırmamaq üçün əvvəlcə təsəlliverici görüşdə iranlı Amirreza Mehritalarpoştiyə qalib gəlməlidir.
Namiq HUN
