İki penalti, iki qol: “İmişli” məğlubiyyətdən xilas oldu!
Futbol üzrə Azərbaycan Premyer Liqasının XII turuna start verilib.
TodayPress TV xəbər verir ki, turun açılış matçında “İmişli” və “Zirə” komandaları üz-üzə gəlib. Qarşılaşma 2:2 hesablı heç-heçə ilə yekunlaşıb.
Matçda hesabı 44-cü dəqiqədə Davit Volkov açıb. 55-ci dəqiqədə Rikardo Martins “Zirə”nin üstünlüyünü iki topa çatdırıb.
Lakin meydan sahibləri oyunun gedişində dönüş etməyi bacarıblar. Seyxan Fərəcov 71-ci və 76-cı dəqiqələrdə penaltidən fərqlənərək “İmişli”yə heç-heçə qazandırıb.
Qeyd edək ki, Azərbaycan Premyer Liqasının XII turuna noyabrın 22-də yekun vurulacaq.
Namiq HUN