Tarix yazılmağa davam edir: Lebron ikinci oldu
“Los-Anceles Leykers” klubunun hücumçusu Lebron Ceyms ABŞ Milli Basketbol Assosiasiyası (NBA) tarixində (müntəzəm mövsüm+pley-off) ən çox məhsuldar ötürmə edən basketbolçular siyahısında ikinci pilləyə yüksəlib.
TodayPress TV xəbər verir ki, hazırda Kaliforniya təmsilçisinin veteran oyunçusunun hesabında 13 793 assist var.
Bu göstərici Kris Poldan 8 ötürmə çoxdur. Siyahıya 17 645 assistlə əfsanəvi Con Stokton başçılıq edir.
Lebron bu tarixi nailiyyətə NBA-nın müntəzəm çempionatında “Memfis Qrizzliz”ə qarşı keçirilən oyunda nail olub. Qarşılaşma “Leykers”in 120:114 hesablı qələbəsi ilə başa çatıb.
Həmin matçda Ceyms 10 assist, 26 xal və 7 ribaundla yadda qalıb.
Namiq HUN
