Süleyman İsmayılzadə Olimpiadada final həyəcanı yaşadı
Azərbaycanlı üzgüçü Süleyman İsmayılzadə Seneqalın paytaxtı Dakarda keçirilən Yeniyetmələrin IV Yay Olimpiya Oyunlarında mübarizəyə başlayıb.
TodayPress TV xəbər verir ki, idmançımız 400 metr məsafəyə sərbəst üsulla üzmə yarışının finalında 3 dəqiqə 59,46 saniyə nəticə göstərərək səkkizinci yeri tutub.
Bayraqdarımız noyabrın 6-da 200 metr məsafəyə sərbəst üsulla üzmə yarışında Olimpiya medalları uğrunda mübarizə aparacaq.
Qeyd edək ki, Azərbaycan komandasının Dakar-2026-da aktivində bir qızıl medal var. Cüdoçu İbrahim Talıbov (55 kq) ölkəmizə bu multi-idman yarışının qızıl medalını qazandırıb.
Namiq HUN
