Prezidentin sədr təyin etdiyi Sadıqov kimdir? - DOSYE
Azərbaycan Respublikasının Prezidenti İlham Əliyevin imzaladığı müvafiq Sərəncamla Səbuhi Əhəd oğlu Sadıqov Azərbaycan Respublikası Dövlət Ehtiyatları Agentliyinin İdarə Heyətinin sədri vəzifəsinə təyin edilib.
TodayPress TV onun dosyesini təqdim edir:
Səbuhi Sadıqov 2005-ci ildə Azərbaycan Dövlət İqtisad Universitetinin (UNEC) "Maliyyə və kredit" ixtisası üzrə bakalavr, 2007-ci ildə isə həmin ixtisas üzrə magistr dərəcəsini bitirib.
O, maliyyə, iqtisadiyyat və strateji resursların idarə olunması sahəsində geniş təcrübəyə malikdir. Müvafiq təyinata qədər Azərbaycan Respublikası Dövlət Ehtiyatları Agentliyinin İdarə Heyətinin üzvü və sədr müavini vəzifələrində çalışıb.
Dövlət Ehtiyatları Agentliyinin sədri kimi o, ölkənin strateji əhəmiyyətli ərzaq, sənaye və digər dövlət ehtiyatlarının formalaşdırılması, saxlanılması, yenilənməsi və idarə edilməsinə, eləcə də böhran və fövqəladə hallarda daxili bazarın təchizat təhlükəsizliyinin təmin olunmasına rəhbərlik edəcək.
Ailəlidir, 2 övladı var.
![Ramiz Mehdiyevin qızına verdiyi sirli sənəd - [[“Atam iki gün mənimlə danışmadı”
]]](/uploads/news/6ae9cd97a3d48.webp)
