“Real”ın çalışdırıcısı Mbappe məsələsinə aydınlıq gətirdi
Alvaro Arbeloa Kilian Mbappe ilə bağlı səsləndirilən fikirlərə münasibət bildirib.
TodayPress TV “Yahoo Sports”a istinadən xəbər verir ki, “Real Madrid” klubunun baş məşqçisi Mbappenin “mənə dördüncü hücumçu olduğumu dedi” açıqlamasını təkzib edib.
“Kaş ki, dörd hücumçum olaydı, amma yoxdur. Bu barədə nə deyəcəyimi də bilmirəm. Mənim dörd forvardım yoxdur və ona heç vaxt belə bir söz deməmişəm. Görünür, məni yanlış başa düşüb. Heç bir anda ona dördüncü hücumçu olduğunu deyə bilməzdim”, - deyə Arbeloa bildirib.
Xatırladaq ki, Mbappe La Liqanın 36-cı turunda “Ovyedo” ilə oyundan sonra məşqçinin ona “dördüncü hücumçu” dediyini açıqlamışdı.
Qeyd edək ki, fransalı hücumçu cari mövsüm bütün turnirlərdə 42 oyunda iştirak edib, 41 qol və 7 məhsuldar ötürmə ilə yadda qalıb.
Namiq HUN
