Qeyri-etik jest millinin oyununda qarşıdurmaya səbəb oldu
Azərbaycan U-21 millisinin Avropa çempionatının seçmə mərhələsində Şotlandiyaya qarşı keçirdiyi oyundan sonra dava düşüb.
TodayPress TV Sport1.az saytına istinadən xəbər verir ki, səbəb şotlandların qapıçısı və müdafiəçisinin millimizin ehtiyat oyunçular skamyasına tərəf gələrək qeyri-etik jestlə sevinməsi olub.
Final fitindən sonra “Sabah”ın üzvü Xəyal Əliyev buna görə onların üzərinə hücum çəkib. Futbolçuların müdaxiləsindən sonra ara sakitləşib. Amma sakitləşməyən Xəyal Əliyev “Dalğa Arena”nın pəncərələrindən birinin şüşəsini sındırıb.
Qeyd edək ki, Xəyal Əliyev 3:3 hesabı ilə başa çatan matçda 2 qol vurub.
Namiq HUN
