Qadın güləşçilərimiz dünya çempionatında ilk sınaqlarını verdi

Azərbaycanın qadın güləşçiləri U-17 dünya çempionatında mübarizəyə başlayıb.

TodayPress TV xəbər verir ki, mundialın növbəti yarış günü 4 qadın güləşçimiz xalça üzərində bacarığını göstərib. 

57 kq çəki dərəcəsində yarışan Qaratel Quliyeva təsnifat mərhələsində isveçrəli Delya Qislerə 2:3 hesabı ilə məğlub olub.

Eynilə təsnifat mərhələsindən mundiala qatılan Rəna Nuriyeva da xalçadan məğlub ayrılıb. 65 kq çəki dərəcəsində yarışan güləşçimiz meksikalı Silviya Espinoza Munizə 5:8 hesabı ilə uduzub.

Dünya çempionatının 1/8 final mərhələsində mübarizə aparan Vəfa Orucova da ilk görüşündə uduzub. O, çəkisi 43 kiloqramadək olan güləşçilərin yarışında rumıniyalı Valia Harsanaya 2:5 hesabı ilə məğlub olub.

Namiq HUN