"Parma" Adamsla müqavilə imzaladı

Rusiyanın "Parma" basketbol klubu ABŞ-li müdafiəçi Ceylen Adamsın transferini rəsmən açıqlayıb.

TodayPress TV xəbər verir ki, klubun mətbuat xidmətinin yaydığı məlumata görə, 29 yaşlı basketbolçu ilə bir illik müqavilə imzalanıb.

"Parma" 2023/24 mövsümündə VTB Birləşmiş Liqasında 18 qələbə və 26 məğlubiyyətlə turnir cədvəlində 8-ci yeri tutub. Komanda pley-in mərhələsinə yüksəlsə də, "Pari Nijniy Novqorod"a uduzaraq növbəti mərhələyə keçə bilməyib.

Qeyd edək ki, "Parma" daha əvvəl də ABŞ-li müdafiəçi Viktor Sandersi heyətinə qatmışdı. O, ötən mövsüm VTB Birləşmiş Liqasında debüt edib və "Yenisey" klubunda əsas oyunçulardan biri olub.

Töhfə Səməd